香港新浪網 MySinaBlog
« 上一篇 | 下一篇 »
剛仔 | 11th Aug 2006 | 一般 | (12647 Reads)
蛇王孫子兵法 — 「蛇王三十六計」上篇

今日的網誌比較長,所以唔講咁多。呢部係我地蛇族的「蛇王三十六計」,識左點蛇都有職升,有人工加!唔信?睇下啦!今日俾住其中的「勝戰計」、「敵戰計」同「攻戰計」共十八計比大家睇下;明天仲來多十八計!必睇!

勝戰計
瞞天過海 — 備周則意怠,常見則不疑。陰在陽之內,不在陽之對。太陽,太陰。
用法:通常適用於Sales或經常見客的人士,亦是一般打工作通常蛇王的方法。利用出外開會為借口,大條道理去卡拉OK,揼骨兼做埋gym都得!

圍魏救趙 — 共敵不知分敵,敵陽不如敵陰。
用法:你老細都係人一個,點都會有缺點,而佢的缺點可能係你蛇王的最佳工具!例如,你的咸濕老細鐘意返公司先至去開大,你就可以係廁所度「唔覺意」留番本男士恩物,令到佢拉長如廁時間!又例如唔少打golf的老細都鐘意韓國高球美女魏聖美,貼張相係佢間房度,比佢日對夜對,咁就唔駛出來擾攘。

借刀殺人 — 敵已明,友未定。引友殺敵,不自出力,以損推演。
用法:同事除左可以陪你吃喝玩樂之外,更可成為你蛇王的最好工具,關鍵在於選角同手法。選擇一些好想上位的同事,然後話比佢聽老細的大計,然後叫佢去獻計。當佢扯住好細密密斟的時候,你就可以去大蛇特蛇啦!

以逸待勞 — 困敵之勢,不以戰﹔損剛益柔。
用法:上司有新諗法,你就猛潑冷水,講最衰會點,有咁衰講咁衰,最緊要最尾話大老闆唔鍾意,等佢自己諗到頭都大埋,唯有縮沙,唔駛你煩。

蛇王孫子兵法 — 「蛇王三十六計」上篇
今日的網誌比較長,所以唔講咁多。呢部係我地蛇族的「蛇王三十六計」,識左點蛇都有職升,有人工加!唔信?睇下啦!今日俾住其中的「勝戰計」、「敵戰計」同「攻戰計」共十八計比大家睇下;明天仲來多十八計!必睇!

勝戰計
瞞天過海 — 備周則意怠,常見則不疑。陰在陽之內,不在陽之對。太陽,太陰。
用法:通常適用於Sales或經常見客的人士,亦是一般打工作通常蛇王的方法。利用出外開會為借口,大條道理去卡拉OK,揼骨兼做埋gym都得!

圍魏救趙 — 共敵不知分敵,敵陽不如敵陰。
用法:你老細都係人一個,點都會有缺點,而佢的缺點可能係你蛇王的最佳工具!例如,你的咸濕老細鐘意返公司先至去開大,你就可以係廁所度「唔覺意」留番本男士恩物,令到佢拉長如廁時間!又例如唔少打golf的老細都鐘意韓國高球美女魏聖美,貼張相係佢間房度,比佢日對夜對,咁就唔駛出來擾攘。

借刀殺人 — 敵已明,友未定。引友殺敵,不自出力,以損推演。
用法:同事除左可以陪你吃喝玩樂之外,更可成為你蛇王的最好工具,關鍵在於選角同手法。選擇一些好想上位的同事,然後話比佢聽老細的大計,然後叫佢去獻計。當佢扯住好細密密斟的時候,你就可以去大蛇特蛇啦!

以逸待勞 — 困敵之勢,不以戰﹔損剛益柔。
用法:上司有新諗法,你就猛潑冷水,講最衰會點,有咁衰講咁衰,最緊要最尾話大老闆唔鍾意,等佢自己諗到頭都大埋,唯有縮沙,唔駛你煩。

趁火打劫 — 敵害之大,就勢取利。剛決柔也。
用法:上司好鬼多野煩緊時,仲特登搵啲野俾佢煩,等佢唔得閒理你,你就有排蛇。不過安排上要醒目,果樣嘢一定要係由佢做,或者係佢啲蘇州屎,佢唔理都唔得。如果唔係,佢搵埋一齊搵,咁就蝕哂。

聲東擊西 — 敵志亂萃,不虞,坤下兌上之象。利其不自主而取之。
用法:煞有介事咁收到風同上司講,其他部門有人想整佢,等佢出去收風同諗對付方法,無時間理你。不過放風要有技巧,有真有假,混淆佢的視聽。

敵戰計
無中生有 — 誑也,非誑也,實其所誑也。少陰,太陰,太陽。
用法:真亦假時,假亦真。真真假假,邊個知!得閒打小報告俾你老細聽,等佢以為你係佢的親信,然之後又放d流料比佢,譬如話,見到老細的老婆或者老公下晝同人出街,等你老細係返工時間回家捉姦,咪可以蛇王囉!如果捉唔到,就同佢講「捉姦呢d野,係要等時候架!」。佢日日捕,你日日蛇,幾爽!捉得到,佢仲多謝你添!生安白造,一舉兩得。不過,首要目標係你要取得你老細的信任。

暗渡陳倉 — 示之以動,利其靜而有主,益動而巽。
用法:呢個係好處心積慮的行動。你先要用計將你老細的100%心肝脾肺腎的力量集中落去一件project上,當然,呢個係好考功夫!然後,你趁佢好忙的時候,就可以安享你的蛇王生活啦!!

隔岸觀火 — 陽乖序亂,陰以待逆。暴戾恣睢,其勢自斃。順從動豫,豫順以動。
用法:用計令你老細同其他人「開拖」,等佢「興烚烚」掛住同人鬥法的時候,佢不會有空去理你身在何處啦!點樣先至可以令到你老細同人「開拖」呢?第一當然係做謠生事,第二就係揭發你同事的錯處打小報告啦!

笑裡藏刀 — 信而安之,陰以圖之,備而後動,勿使有變,剛中柔外也。
用法 — 首要條件係要先扮勤力,返工要準時,放工要遲走,老細視線範圍內要扮做野!當老細認定你係勤力員工的時候,你就可以「為所欲為」啦!就算你出去蛇左幾個鐘先至番來,佢仲覺得你勤力出去開會!偏見呢樣野,真係好「根深蒂固」架!

李代桃僵 — 勢必有損,損陰而益陽。
用法:當老細成功捉到你蛇王,而你又理屈辭窮的時候,你就要使出呢個絕招 — 認錯。因為你同你老細再講都沒有用,認錯佢仲有可能會原諒你;不認的話,佢可能覺得你人格有問題,炒你仲大鑊!

順手牽羊 — 微隙所得必乘,微利在所必得。少陰,少陽。
用法:呢個係一種要脅招數,用於你的同事或老細的秘書。當你發覺你同事有少錯的時候,就要「煲」大佢,等件事有咁大得咁大,然後同佢講「你唔想我講比老細聽都得,你要同我睇水蛇王喎!」呢個係一個幾有難度的招數,因人而異!如果佢同老細的關係好,反篤你背脊,得不償失!

攻戰計
打草驚蛇 — 疑以叩實,察而後勤。復者,陰之媒也。
用法:蛇王呢家野,千祈咪「打草驚蛇」!首先唔好太揚,話晒比人聽蛇王;其次係唔好太多人參與其事,要分批進行。如果你老細發現成公司的人都唔見咗,就大鑊囉!所謂「唔見一兩個,真係唔多覺;唔見六七個,係咪想打鑊。」

借屍還魂 — 有用者,不可借。不能用者,求借。借不能用者而用之,匪我求童蒙,童蒙求我。
攞番一啲上手,甚至前幾手未攪掂的問題拋番俾你上司,等佢頭痛吓,咁佢仲得閒理你咩!

調虎離山 — 待天以困之,用人以誘之,往蹇來返。
用法:呢招最簡單,亦都係最易做的方法。首先,當然係要跟老細的秘書熟啦!然後,當一些可以在公司內開的會,改為要到出面公司開;就算見vendor,都要出去見。老細出左去開會,你想叫朋友上嚟開迷幻派對都得啦!

欲擒故縱 — 逼則反兵,走則減勢。緊隨勿迫,累其氣力,消其鬥志,散而後擒。兵不血刃需,有孚,光。
用法:呢招又叫「見好就收」,就算俾你成功蛇到一兩次,你都唔好當老細係傻!佢可能特登來個「欲擒故縱」,等你繼續放任蛇王,然後當場捉個正著,炒你魷魚兼不用補錢。所以,要蛇王蛇得出色,要來個「反欲擒故縱」術,唔好連日蛇,間中蛇下,佢都唔覺。

拋磚引玉 — 類以誘之,擊蒙也。
用法:每個人都有所好,抓住你老細的興趣,然後用盡渾身解數去引誘佢。如你老細係咸濕佬,就買幾本「蛇、貓、狗」、「紅風」佢睇,等佢覺得你肯奉承佢之餘,仲可以令佢玩物喪志。當佢沉迷玩樂的時候,你想點蛇就點蛇啦!可能,佢仲同你一齊蛇!

擒賊擒王 — 摧其堅,奪其魁。以解其體,戰龍在野,其道窮也
用法:呢個招數係老細對付一眾蛇王員工的用法。為了保護蛇王團隊的團結性,我地千祈唔可以犧牲偉大的「蛇頭」!作為「蛇頭」,佢必定有最靈活的頭腦,最靈通的資訊,同埋最多的線眼…總之沒有他,蛇王一定有難度。要保護佢的方法,就係要保守秘密,千祈唔好揚出來,同埋要混淆視聽,一時你做下阿頭,一時佢做下,好似玩「估領袖」咁囉。

下期預告:br />「蛇王三十六計」下篇,有「混戰計」、「並戰計」同「敗戰計」。蛇王精緒,陸續有來,唔睇就笨。