香港新浪網 MySinaBlog
« 上一篇 | 下一篇 »
剛仔 | 27th Jul 2006 | 一般 | (1484 Reads)

平均分: 9.00 | 評分人數: 2

《毒蛇嚇機》= 大鑊?!
想不到我地呢班蛇在美國鬧得滿成風雨,一套《Snake On A Plane》竟然可以令到一班fans為我地而瘋狂,為我地而著迷。唔怪得上帝似終對我地有所顧忌。

蛇,已經融入人類的生活,佢地唔單止對我地日思夜想,開口埋口就係「Snake On A Plane」。不論是大街小巷,「Snake On A Plane」已經成為美國人至潮至in的口頭禪。

按美國權威網上字典Urban Dictionary所載,「Snake On A Plane」有多種解釋,並且以幾何級數增加,越來越「無厘頭」。中文有數千年歷史,當然唔會比外國影響到。但是,這股「蛇瘋」真的勢不可擋。

香港波你大學語言學學系皮教授說:「語言係約定俗成。如果你地日日夜夜都講,佢就會變成你地語言的一部份;好似「阿燦」、「界」等。」

一如皮教授所說,說不定有一天,「Snake On A Plane」的中文版「毒蛇客機」會被納入中小學生的字典!原來,「毒蛇嚇機」一詞多義;識得用,其實好好用。

「毒蛇嚇機」(將輯錄於2006年8月出版的「中華大『蛇』典」)

發音:毒 (獨)(粵音 duk9) ; 蛇 (佘)(粵音 se4) ; 嚇 (赫)(粵音 hak4) ; 機 (基)(粵音 gei1)
解釋1:形容詞,解作「大鑊」。
        用法 1: (熱戀中男女纏綿時)
        女:老公豬!我地好耐都冇……咩啦…
        男:傻豬!你係唔係好想…咩啫?
        女:嘻嘻……
        男:等我準備下先…哎呀!「毒蛇嚇機」,冇晒貨,要出去買!
        女:野!我唔滯呀!
        用法2:(二五仔比大佬發現做兩頭蛇時)
        二五仔:大佬!今次「毒蛇嚇機」啦!點解出面有咁多差人!
        大佬:你個二五仔!居然做兩頭蛇!
        二五仔:「毒蛇嚇機」!大佬,比多次機會我… (砰!)
        用法3::(小學生不小心毀壞公物)
        小明:毒蛇嚇機!點算呀!我打爛左學校對玻璃門!
        小芬:哦!你死啦!我告比老師聽!
        小明:唔好呀!唔好呀!最多我請你食雞脾啦!
        小芬:我要食「大雞樂」的炸脾呀!
        用法4:(因為打麻雀打過時間,唔記得番屋企煮飯比老公吃)
        師奶甲:衰神呀!打左六個東,舖舖都比你贏,你真係手風順啦!
        師奶乙:車!我打落去仲有得贏呀!
        師奶甲:好巴閉咩!收聲啦!睇晚間新聞報導啦!
        師奶乙:毒蛇嚇機啦!唔記得左要番屋企煮飯比老公食添…家變啦!
        師奶甲:咪走住!你想割禾青呀!

解釋2:形容詞,用以形容情況失控,越來越糟
        用法 : (醫生做手術時)
        醫生:pass把手術刀比我。
        護士:醫生,你記唔記得點切盲腸架!
        醫生:唉…唔多記得!現在真係「毒蛇嚇機」!
             
解釋3:字句,解作情況危急,要用個人的智慧去解決問題,即係「食自己」
        用法:(消防員在火場) 
        指揮官:各位兄弟,火場環境好惡劣!大家要「毒蛇嚇機」啦!祝你好運!

解釋4:助語詞,可加強負面的意思,並且可代替不雅文字,非常有用。
         用法:吳x祖鬧尹x維
         尹:係!係我錯囉!
         吳:你唔只錯!仲好「毒蛇嚇機」錯!
            
解釋7:動詞,意指男女歡好的動作
         用法:男性向女性以語言性挑逗
         男:靚女,我想把我的毒蛇放進你的客機內。
         女:賤格 … (記男方一耳光)

解釋8:助語詞,當人盛怒時,會說出的髒話。可用此句代替!
          用法:當朗尼踩到C朗拿度被趕出場時,球迷的反應
          英格蘭球迷:「呢個C朗拿度,毒蛇嚇機佢呀!扮晒野!毒蛇嚇機!」
           
下期預告:蛇詩…萬?
成千上萬的蛇詩,精選幾個同你分享!仲有「剛仔日記」之「玩轉米老鼠樂園」,萬勿錯過!(明天又會有獎啦!咪走雞!)

「毒蛇咬鑊金」遊戲
如果大家諗到其他精彩的解釋及用法,即刻留言話比我知啦!被選中的不單會將你們的建議納入我地的「中華大『蛇』典」外,更會獲得《毒蛇嚇機》戲票兩張,名額兩位。(截止日期為7月31日,得獎者將有電郵通知)


 


[1]

我早就知道 了
想不到會有人翻譯做中文
你知道此電影會在香港上畫吧??

may the force be with snakes^^ ^^


[引用] | 作者 PK~ | 29th Jul 2006 | [舉報垃圾留言]

[2]

interesting...


[引用] | 作者 People A | 31st Jul 2006 | [舉報垃圾留言]

[3] 8月24號上畫

係戲院睇廣告話8月24日上喎!我都好想睇!唔知係唔係好核突呢?!


[引用] | 作者 小南蛇 | 2nd Aug 2006 | [舉報垃圾留言]

[4] 嘩!又幾嚇人咯!

剩係見到張海報,都算幾吸引,設計簡單直接,兩條蛇纏住架飛機真係幾恐怖,到時正式上映我都會看看是否真係咁好睇。


[引用] | 作者 作者:蛇王金 | 4th Aug 2006 | [舉報垃圾留言]

[5] 你地睇左未呀!

套片上左差不多兩個星期啦!快d睇啦!口啤越來越勁!後勁凌厲!
唔睇冇話題同friend講!


[引用] | 作者 剛仔 | 6th Sep 2006 | [舉報垃圾留言]