香港新浪網 MySinaBlog
剛仔 | 25th Aug 2006 | 一般 | (1016 Reads)
「銀白色月光下,在這灰暗暗的飛機,只有那些毒蛇…是七彩的!」

噢!是不是很有詩意呢!近期坊間有好多香港的「毒蛇迷」特別為《毒蛇嚇機》寫予很多抵死又精警的tagline,並在網上廣泛流傳。

1) 毒蛇周圍捐 嚇到你褲穿
2) 蛇仔亂咁爬 隨時在左右
3) 客機藏危機 隨時冇掟匿
4) 驚魂三萬呎 大家冇得避
5) 毒蛇半千條 驚險萬象現
 (閱讀全文)

剛仔 | 24th Aug 2006 | 一般 | (1392 Reads)
《毒蛇嚇機》已於8月24日正式上映!多謝大家一直以來的支持。原來香港有很多《毒蛇嚇機》的Fans。今日,就同大家來一個大晒冷,比你地一次過睇晒有關這部片的東西啦!

熱爆《毒蛇嚇機》商品
唔好以為只有《星戰》系列先至會出電影商品,好多fans自發製作了很多有關《毒蛇嚇機》的商品。

Picture
筆走毒蛇 (價錢:不詳)

Picture
蛇眼神罩 (價錢:不詳)
 (閱讀全文)

剛仔 | 22nd Aug 2006 | 一般 | (1267 Reads)
哈利波特識講英文同蛇話。而我剛仔,除了識得講蛇話外,仲識得講多個地方方言。幾強!

我剛仔在《毒蛇嚇機》入面學曉一句英文,是男主角Samuel L. Jackson講經常說的一句 —「I want this mother fuxking snake off this mother fuxking plane」。因這句英文包含了一些兒童不宜的英文,所以我用了x來代表。 剔除了不文雅的助語詞後,這句的中文意思是「我想把這該死的毒蛇趕出這該死的飛機。」

我分別走訪了不同區域,找了不同藉貫、性別、口音的人士,以最快的速度講出這句。

以下是在街頭以抽樣形式,要求觀眾讀出這句 —
Picture
(按此觀看emoticon)


 (閱讀全文)

剛仔 | 17th Aug 2006 | 一般 | (1292 Reads)
Picture
近日,坊間流行一張什麼「空中遇死逃生指南」,一廂情願地以為這樣就可以將我們「就地正法」。呸!自從夏娃被我們的祖先「昆」吃了禁果,再一次證明蛇真的比人「高張」很多。所謂「道高一尺,魔高一丈」,我們自有生存之道。
Picture
利用食物盤將蛇夾死
你哋啲人咁遲鈍,你都末打開到個盤我都已經蛇走咗啦!

 (閱讀全文)

剛仔 | 16th Aug 2006 | 一般 | (3162 Reads)
Picture

Hi, Everybody. 大家今日的主角是我,不是剛仔。我是《毒蛇嚇機》入面的男主角Samuel L. Jackson,所有蛇一見到我便會聞風膽喪。今日,我要教大家,如果在三萬呎高空的飛機上,遇上數百條蛇,如何逃生。因所有乘客皆不准拿取任何攻擊性物件上機,故當人在機上遇上蛇的時候,是非常危險。

記住!恐怖份子無時無刻都在你的身邊;無論你是乘船、巴士,又或者是火車,以下建議都能大派用場 —

Picture (閱讀全文)

剛仔 | 12th Aug 2006 | 一般 | (1889 Reads)
蛇王孫子兵法 — 「蛇王三十六計」下篇
上篇係唔係好精彩呢?戲肉仲未到!睇埋呢十八計,包你有運行啦!

混戰計
釜底抽薪 — 不敵其力,以消其勢,兌下乾上之象。
用法:如果你老細高調捉蛇,裝左好多偷聽器或閉路電視等高科技間諜儀器的話,你就唔好同佢正面作對,係鏡頭面前當然要有咁乖,就扮到咁乖啦!但當然唔會咁順攤屈服係惡勢力之下!首先要破壞儀器的運作,例如在辦公室煲水,又或者關掉冷氣機的抽濕功能,又或者搬東西時「唔覺意」將個鏡頭移開。總之,就係要「不刻意」地令這些儀器壞!

混水摸魚 — 乘其陰亂,利其弱而無主。隨,以向晦入宴息。
用法:趁亂蛇王。通常用於出外勤的時候,有很多人出入的環境下發生。很多時出去攪function嗰陣,你會發現 — 點解搵唔到d同事呢?因為,佢地去左蛇王囉!當你番到來,老細問你「點解剛才唔見你?」例牌的答案係 「唔係呀!頭先我係嗰邊做野!你睇唔到咩?可能太多人啦!」

金蟬脫殼 — 存其形,定其勢;友不疑,亂不動。巽而止蠱。
用法:呢招幾work,尤其適用於有制服的公司。當個個人穿同一樣的衣服,老細可能誤以為你去左影印或者pantry。如果你想更加安全,就試下將一件外套搭在一個較大型的Cushion上,有些「發雞盲」的老細會以為有人,就唔會理。有人試過,It works!

 (閱讀全文)

剛仔 | 11th Aug 2006 | 一般 | (12659 Reads)
蛇王孫子兵法 — 「蛇王三十六計」上篇

今日的網誌比較長,所以唔講咁多。呢部係我地蛇族的「蛇王三十六計」,識左點蛇都有職升,有人工加!唔信?睇下啦!今日俾住其中的「勝戰計」、「敵戰計」同「攻戰計」共十八計比大家睇下;明天仲來多十八計!必睇!

勝戰計
瞞天過海 — 備周則意怠,常見則不疑。陰在陽之內,不在陽之對。太陽,太陰。
用法:通常適用於Sales或經常見客的人士,亦是一般打工作通常蛇王的方法。利用出外開會為借口,大條道理去卡拉OK,揼骨兼做埋gym都得!

圍魏救趙 — 共敵不知分敵,敵陽不如敵陰。
用法:你老細都係人一個,點都會有缺點,而佢的缺點可能係你蛇王的最佳工具!例如,你的咸濕老細鐘意返公司先至去開大,你就可以係廁所度「唔覺意」留番本男士恩物,令到佢拉長如廁時間!又例如唔少打golf的老細都鐘意韓國高球美女魏聖美,貼張相係佢間房度,比佢日對夜對,咁就唔駛出來擾攘。

借刀殺人 — 敵已明,友未定。引友殺敵,不自出力,以損推演。
用法:同事除左可以陪你吃喝玩樂之外,更可成為你蛇王的最好工具,關鍵在於選角同手法。選擇一些好想上位的同事,然後話比佢聽老細的大計,然後叫佢去獻計。當佢扯住好細密密斟的時候,你就可以去大蛇特蛇啦!

以逸待勞 — 困敵之勢,不以戰﹔損剛益柔。
用法:上司有新諗法,你就猛潑冷水,講最衰會點,有咁衰講咁衰,最緊要最尾話大老闆唔鍾意,等佢自己諗到頭都大埋,唯有縮沙,唔駛你煩。

 (閱讀全文)

剛仔 | 9th Aug 2006 | 一般 | (2454 Reads)
我剛仔好識享受人生,得閒就曬下太陽,睇下靚女,有時仲會睇下影畫戲update自己。原來我地都幾威,成日都見到我地兄弟做主角,仲嚇到人類雞飛狗走!查實中西都有關於蛇的影片,有唔同的特色,我今日帶俾你地中外各十套關於蛇的猛片,有些可能未曾在香港上映過,有些可能你地都未出世!

不過,估唔到我剛仔雖然係一條小小的粟米蛇,但係都有機會做主角,仲有機會搭飛機,仲可以咬索女粒……諗起都…嘻嘻…

中外毒蛇猛片巡禮

 (閱讀全文)

剛仔 | 7th Aug 2006 | 一般 | (23430 Reads)

天時暑熱,最好係匿埋蛇竇抖下暑!講到蛇竇,除左我地蛇鍾意蛇竇外,原來人類都好鍾意蒲蛇竇。我地好光明正大去蛇竇,但係人類通常都鬼鬼祟祟咁去。點解?因為蛇竇最怕「黃」,「黃左」就再唔係蛇竇。當然有時所謂「吊頸都要抖下氣」,老細都係「隻眼開隻眼閉」,可能俾員工蛇下,可以增加生產力,增加對公司的歸屬感,仲會可能減少員工請假次數,一舉數得!所以,據聞香港所有黨派都打算係立法會爭取「蛇王合法化」同「蛇竇公營化」,如果係咁就好囉!大家可以不再偷偷摸摸,可以見光啦!

講開蛇竇,我地通過香港唔知邊間大學的民意調查部,選出香港市民最愛十大蛇竇。(排名不分先後) Picture (閱讀全文)

剛仔 | 5th Aug 2006 | 一般 | (1314 Reads)
作為一條有大志的蛇,我一定要創一番事業。要達成這個目標,我要走入辦公室。學煲呔曾話齋,要走入人群嘛!

我沿著一條水管爬入一所寫字樓,再竄進冷氣糟;在這裡,我聽到很多關於我地—「蛇」的字,左又蛇,右又蛇,蛇來蛇去…人比蛇,更煩!

例句一:「不如我地去後樓梯蛇王囉!」

這句話十分常見。只要大廈有後樓梯,就有人會講呢句。不過,隨了後樓梯外,其他地方都可以蛇王;只要夠隱秘便可。

 (閱讀全文)

Next